Plant a Phobl Ifanc

Mae Plant a Phobl Ifanc yn hynod o bwysig i bobl Ceredigion, ac i'r rhai sy'n trefnu ac sy'n darparu gwasanaethau ar eu cyfer.

Er mwyn cynllunio gwasanaethau i Blant a Phobl Ifanc mewn ffordd effeithlon, mae'r asiantaethau yng Ngheredigion yn dod ynghyd mewn nifer o bartneriaethau statudol. Y brif bartneriaeth y mae ganddi gyfrifoldeb cyffredinol yw

            Partneriaeth Fframwaith Plant a Phobl Ifanc Ceredigion

sy'n gweithio yn unol â'r Datganiad o Weledigaeth isod y cytunwyd arno

Byddwn yn cydweithio i wella'r cyfleoedd i bob plentyn, pob person ifanc a phob teulu i fwynhau bywyd, i ddysgu, i ffynnu ac i dyfu i fod yn ddinasyddion iach, hyderus a galluog.

Byddwn yn cyflawni hyn trwy:

• Sicrhau bod ein plant a'n pobl ifanc wrth wraidd ein gweithgareddau;

• Cadw ein plant a'n pobl ifanc yn ddiogel;

• Hyrwyddo'u hiechyd corfforol a'u cymhwysedd emosiynol;

• Gwireddu eu potensial trwy gyfrwng dysgu ffurfiol, anffurfiol a di-ffurfiol;

• Cynnwys plant a phobl ifanc o bob cefndir;

• Eu galluogi i gymryd rhan yn niwylliant dwyieithog Ceredigion ac i feithrin ymdeimlad o berthyn i'r diwylliant hwn;

• Meithrin parch ac ymddiriedaeth rhwng plant, pobl ifanc a'u teuluoedd, a'r gymuned, trwy gyfrwng gweithgarwch ymgynghori a chyfranogi rheolaidd.

Ceir dwy bartneriaeth bwysig arall sy'n eistedd dan y Bartneriaeth Fframwaith, ac y maent yn gyfrifol am 2 gr?p oedran:

• Partneriaeth Plant 0-10

• Partneriaeth Pobl Ifanc 11-25

Diben y wefan hon yw darparu gwybodaeth fanwl i'r rhai y mae ganddynt ddiddordeb yn swyddogaeth a chynlluniau'r dair bartneriaeth, yn ogystal â darparu gwybodaeth ynghylch cynlluniau a strategaethau pwysig eraill sy'n ceisio darparu gwasanaethau wedi'u cydlynu i Blant a Phobl Ifanc.

Nod cynllun Cymorth yw darparu gwasanaethau ataliol wedi'u targedu ac mae'r Fframwaith Gwasanaeth Cenedlaethol i Blant, Pobl Ifanc a Gwasanaethau Mamolaeth yn gosod y safonau ar gyfer nifer o wasanaethau a ddarparir i Blant a Phobl Ifanc.

Byddwch yn gweld dogfennau defnyddiol eraill hefyd sy'n cofnodi gwaith y partneriaethau, sy'n cynnwys rhai o'r asesiadau, strategaethau y cytunwyd arnynt a chofnodion cyfarfodydd.

Am wybodaeth bellach, cysylltwch â'r tîm cefnogi partneriaethau, sy'n cynnwys y swyddogion canlynol;