Cymunedau Cryfach - Cynnal y Cardi

Mae Partneriaeth Cymunedau Cryfach yn un o'r Grwpiau Thematig sy'n rhan o Strategaeth 2020 Ceredigion. Mae'n sianel ar gyfer gweithgaredd adfywio sy'n gysylltiedig â'r gymuned leol a Strategaeth Gymunedol 2020 Ceredigion.

Gofynnwyd i Bartneriaeth Cymunedau Cryfach gan Bartneriaeth Adfywio Economaidd Ceredigion (CERP) ddatblygu cynnig i Gr?p Gweithredu Lleol Echel 4 y Cynllun Datblygu Gwledig er mwyn cyflwyno gweithgareddau a phrosiectau arloesol i adfywio'r gymuned o'r gwaelod i fyny fel rhan o'r ddarpariaeth.

Cynllun Datblygu Gwledig 2007 – 20013

 Strategaeth Datblygu Lleol ac Atodiadau [589kb]

Gwybodaeth gefndirol ynghylch Echel 4 - y Gr?p Gweithredu Lleol

Mae'r Cynllun Datblygu Gwledig yn darparu fframwaith ar gyfer sicrhau datblygiad cynaliadwy ardaloedd gwledig trwy'r pedwar prif amcan a elwir yn Echelau:

Echel 1: Cynyddu'r elfen gystadleuol yn y sector amaethyddol trwy hybu ailstrwythuro.

Echel 2: Gwella'r amgylchedd a chefn gwlad trwy hybu rheoli tir.

Echel 3: Gwella ansawdd bywyd mewn ardaloedd gwledig a hybu arallgyfeirio gweithgareddau economaidd.

Echel 4: Hybu defnyddio partneriaethau lleol yn y cymunedau er mwyn i hyn fod yn sail ar gyfer y tair echel flaenorol trwy'r Gr?p Gweithredu Lleol. Rhaid i'r gweithgaredd gynnwys rhyw fudd economaidd a lles i'r economi lleol.

Y Corff Arweiniol yng Ngheredigion ar gyfer Echel 3 & 4 fydd Partneriaeth Adfywio Economaidd Ceredigion a bydd Cyngor Sir Ceredigion yn gweithredu fel Cydlynydd Ariannol.

Caiff cynigion ar gyfer Echel 3 & 4 eu cyflwyno i Lywodraeth Cynulliad Cymru erbyn y 30ain o Fawrth, gyda chynllun busnes i'w gyflwyno ym Medi a'r prosiectau / gweithgareddau i ddechrau yn Ionawr 2008.

Bydd Partneriaeth Cymunedau Cryfach yn gweithredu fel Gr?p Gweithredu Lleol ar gyfer Echel 4. Bydd angen ymateb i hyn o'r gwaelod i fyny, sy'n golygu y bydd prosiectau a fydd yn syrthio i'r categori hwn yn cael eu datblygu, eu harwain a'u gweithredu gan y Gr?p Gweithredu Lleol.

Rôl y Gr?p Gweithredu Lleol

"Bydd y Gr?p Datblygu Lleol yn dewis y prosiectau a gaiff eu hariannu gan y Strategaeth Ddatblygu Leol. Gallant hefyd ddewis prosiectau cydweithredol. Rhaid i'r prosiectau adlewyrchu anghenion yr ardal a rhaid eu gweithredu gan ddefnyddio dull LEADER."

Cwmpas a Chamau o dan Echel 4

"Byddant yn bellgyrhaeddol ac wedi eu hanelu tuag at yr economi gwledig ehangach yn cynnwys anghenion amlsector ar gyfer datblygu gwledig mewndarddol."

Dylai'r camau fod :

yn arloesol

yn brosiectau peilot

yn rhai o'r gwaelod i fyny

yn gyfannol

yn hyrwyddo ymrwymiad cymunedol ymysg trwch y boblogaeth

"Yn yr ystyr ehangaf, bydd camau Echel 4 wedi eu canoli o gwmpas pum thema economaidd":-

• Gweithgarwch partneriaeth y rhanddeiliaid
• Hunaniaeth ardal a datblygu cynnyrch newydd
• Yr amgylchedd naturiol
• Gwasanaethau gwledig cynaliadwy
• Gweithgareddau awyr agored, datblygu twristiaeth a ffyniant.

Gweithrediadau allweddol y Grwp Gweithredu Lleol

Drafft y Cynllun Datblygu Gwledig 5.4.7....rhoddir pwyslais ar entrepreneuriaeth, ychwanegu gwerth a gwella ansawdd cynnyrch lleol a gwneud y defnydd gorau o adnoddau naturiol a diwylliannol.

Bydd y camau yn ceisio darparu ar gyfer blaenoriaethau lleol mewn modd cydlynol a byddant yn ceisio gwella trefn lywodraethol leol a datblygu potensial trwy feithrin gallu a chynnal archwiliadau o'r anghenion. Bydd y camau allweddol yn cynnwys:

• Datblygu Grwpiau Gweithredu Lleol a meithrin gallu partneriaeth leol, ysgogi a hyrwyddo caffael sgiliau.
• Gwella'r potensial o ran datblygu mewndarddol trwy feithrin gallu a chynnal archwiliadau o'r anghenion.
• Gwella trefn lywodraeth leol trwy feithrin dulliau arloesol i gysylltu amaethyddiaeth, coedwigaeth a'r economi leol, er mwyn dod ag amrywiaeth i'r sylfaen economaidd a chryfhau adeiladwaith economaidd-gymdeithasol yr ardaloedd gwledig.
• Meithrin gallu a grymuso'r gymuned
• Hyrwyddo cysylltiadau rhwng sectorau a rhwng grwpiau cyhoeddus / preifat / gwirfoddol a chymunedol
• Cefnogi arloesi ac entrepreneuriaeth
• Peilota cynnyrch newydd a dulliau gan gynnwys rhannu arferion da
• Cefnogaeth i ddatblygu cydweithredol sy'n cynnwys seilwaith a chyfnewid arferion da ac arloesi gyda chynnyrch a gwasanaethau gwledig.

Mesurau i'w cyflawni yn Echel 4

Rhaid i brosiectau unigol yn Echel 4 fynd i'r afael ag un o'r Mesurau canlynol:-

• Yr elfen gystadleuol
• Yr amgylchedd / rheoli'r tir
• Ansawdd bywyd / arallgyfeirio
• Gweithredu prosiectau cydweithredol

Pa grwpiau a dargedir?

5.3.9 Y Cynllun Datblygu Gwledig Drafft: Yn unol ag Erthygl 62 (b) o Reoliad y Cyngor 1698/2005 rhoddir blaenoriaeth i wragedd a phobl ifanc. Yn ychwanegol, mae'r grwpiau targed canlynol, nad ydynt mewn unrhyw drefn o flaenoriaeth, yn arbennig o bwysig yng nghyswllt Cymru:

• Cymunedau Cymraeg eu hiaith
• Gwragedd
• Grwpiau ethnig du a lleiafrifoedd ethnig
• Plant a phobl ifanc
• Yr henoed
• Pobl nad ydynt yn cael digon o waith
• Mentrau micro a bychain (gan gynnwys teuluoedd sy'n ffermio)